Ruim 4-Slaapkamer Gesinshuis teen die Koppie met Pragtige Tuin

Hierdie lieflike, ruim 4-slaapkamer woning in Burgersdorp is nou beskikbaar en bied ’n rustige leefstyl teen die koppie, waar stilte en privaatheid deel van jou alledaagse lewe word.

Die huis beskik oor 2 badkamers, ’n ruim kombuis met genoegsame kaste en plek vir elektriese toebehore, asook ’n sitkamer wat na die eetkamer lei en TV-kamer – ideaal vir gemaklike gesinslewe en lekker vloei.

Die tuin is ’n ware hoogtepunt met heerlike vye bome en ’n groot appelkoosboom wat die lekkerste vrugte dra – perfek vir diegene wat die buitelewe en ’n tikkie selfversorging geniet.

Buite vind jy ’n dubbelmotorhuis en ’n lapa, ideaal vir ontspanning en kuier saam met familie en vriende. Daar is n 5de buitekamer met badkamer wat ekstra akkommodasie vir familie, gaste of huishulp bied.

Verder is die eiendom sentraal geleë, naby aan basies alles in die dorp, wat dit gerieflik maak vir daaglikse benodigdhede.

’n Uitstekende geleentheid om ’n ruim, goed geleë eiendom met ekstra moontlikhede in Burgersdorp te besit.